Wala namang pinagbago,
lumingon ka sa paligid
parehong lugar, parehong silid,
sila-sila pa rin, mga kaopisina
may bago, may luma.
Kailan ka nga ba nagsimula?
Ilan na ang nagdaan at naglaho?
Ang ila’y nangibang bansa
nagsipag-asawa, may nag kanya-kanya
at ikaw, na nasanay sa ingay ng kasama
ngayo’y waring bingi
nababagabag at tinamaan ng kaba
hindi kumukurap, nangingilid
naliligaw sa dati nang opisina
nangingilala sa ngiti ng kakilala
naninibago, nasaan ka?
tulala.
Ngayo’y naghihintay ng pasya
maaaring gaya ng dati
ipagwawalang bahala
at gaya ng dati, sakit ay mawawala
nang panandali
hanggang sa masanay ka’t makulong
sa kapirasong silid
at di na makayang lumaya.
Inihanay sa: tula | Minarkahan: corporate work, dilemma, hiwaga, kalungkutan, paghahanap sa sarili, tula
ang bigat ata sa dibdib ano? ganon lang naman ang buhay e…may aalis at may dadating pero sa kanilang paglisan ay may naiiwan na magandang alaala sa atin…
blue : medyo mabigat ba? hehehe what more sa mga nakararanas nito.
lahat dumadaan sa ganitong proseso… nasa tao kung papanu nya haharapin at kung anung pananaw nya sa bawat sitwasyon… hay… paradigm shift…
hi blue! musta na? dumaan para makibati ng meri krismas!
bluehello kengkay! Happy new mula sa Pilipinas para sa mga taga Oyropa!