engkantada

malamlam ang ‘yong mata

sa sulok, sa pasilyo

walang buhay ang nakalugay mong buhok

pinapatamlay ng maputla mong damit.

madalas ang tagpong ito

hindi kita babatiin

marahil isa ka lang sa maraming malikmata

pero dama ko ang init ng ‘yong hininga

totoo nga, may buhay

bagamat waring pagal na kaluluwa

sa pasilyo,

sa sulok.

nakita kita

pilit mong kinukubli sa ‘yong

mapagbalatkayong ngiti

ang kasabikan sa piling niya

hindi nakapagsisinungaling ang mga mata

hindi ang ‘yong mata,

lalu’t hindi ang iyong sigla.

isa kang alaala,

hindi na sana kita aalayan ng pansin

subalit isa kang alaala

ng nakaraang pagsinta.

binati kita noon,

ganyang-ganyan ang ayos mo

may lungkot,

nakinig ako, nakiramdam

nakidalamhati sa ‘yong kalungkutan.

naging maligaya ka noon,

pati hanggang ngayon.

napalitan ang ‘yong lungkot.

ang kaluluwa mong tagos sa aking mga mata’y nabuhay

samantalang mula noon

ang kaluluwa kong nag-alay

ang nangulila.

ang naghanap ng kalinga.

hindi na ako makikinig

paumanhin kung di na makikiramay,

wala na akong maiaalay.

Advertisements

3 comments on “engkantada

  1. ok na siguro pag may alam mo na ahhhhhmmmmmm!!!!!!!!!!!!!!!!!!!!!!!!!!!!!!!!!!>>>>>>>>>>>>>>>>!!!!!!!!!!>>>>>>>>>>>!?????????????????!!!!!!!!<<<<<<<<<<<!””””””””””””;

    blue : ano yung alam mo na. hehehe

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s