Saranggola – Huling Hirit para sa 2009

Naipamigay na po ang mga saranggola na ipinangako namin kapalit ng 34 entries na isinali ng mga bloggers. Napili namin ang lugar ng Botolan, Zambales dahil madaling puntahan, may malawak na lugar para magpalipad ng saranggola at para isabay na rin ang pamamahagi ng konting relief goods dahil sa typhoon Peping noong unang Linggo ng Oktubre, magpahanggang ngayon ay nasa tent pa rin sila.

Mabilis na kwento

via SCTEX para mabilis. Ang dating 5 oras na byahe ay tatlong oras at kalahati na lang.

May nasusunog na mga dayami sa tabi ng daan. Buti na lang at maagap sila. Matatandaan na nagkaroon ng aksident noong Disyembre  nang nag zero visibility ang daan dahil sa usok!

Syempre bukod sa joyride music, the best ang sight seeing!

Hindi rin laging maganda, dahil sa typhoon Peping, may ilang views na nakakalungkot

Pagdating sa Agora, ang palengke ng Botolan, ay nagpack na kami ng mga goods

Inabot na kami ng gabi papunta sa community. Dalawang lugar ang pinuntahan namin, ang tent city at ang Loob bunga. Madalas ay sa loob bunga ako nagpupunta sa ‘twing dadalaw kami rito, pero dahil nga sa bagyong Peping, maraming mga kabahayan ang inagos ng tubig, buhangin at bato na kasamang rumagasa mula sa naipong lahar ng Pinatubo. Sa ngayon ay marami pang pamilya ang nasa tent city.

Matapos makapagpahinga, kinabukasan ay hindi rin kami nagpaawat, kahit kami ay nagpalipad ng saranggola! Binalikan din namin ang tent city para dalhin ang mga saranggola na inassemble muna namin dahil hindi pala lahat ay madaling buuin!

Para sa mas madaling kwento; narito ang compilation ng pictures. Maraming salamat muli sa lahat ng sumuporta. Hanggang sa susunod na paglipad ng Saranggola Blog Awards 2010!