Ako

gaya ng luksong tinik, patintero at piko; may yugto sa buhay mo na mapapahinto ka sa balag ng alanganin upang bumuo ng mabilis na pasya – lulukso ba ako, tatawid agad o babalik na lang.

Labindalawang taong gulang ako ng mapaisip, isang araw bago ang aking kaarawan. Bukas hindi na ako bata. Ano ang magbabago sa akin? Iniisip ko kasi noon na pagsampa ko ng ikalabintatlo ay magbabago ako ng anyo. Tutubuan ng balbas, magkaka adams apple at lalaki ang boses. Akala ko, ganun kabilis ang mga pagbabago.

Maglalabinwalong taong gulang ako ng magpasyang maging malaya. Namulat sa mga isyung panlipunan ar naging aktibo sa mga pansibikong gawain kahit napalayo sa relihiyong kinabibilangan.

Walang patid na pagsulat sa talaarawan araw-araw. Dinodokumento ko ang lahat – panahong hindi pa sikat ang blog.

Edukasyon sa Pagpapahalaga ang tinapos ko sa kolehiyo – sa Pamantasang Normal ng Pilipinas. (PNU)

ironic nga daw bakit nga ba Values Education – sa ugali kong to at bakit sa Normal e hindi ako normal.

Naging aktibo sa Student Volunteers’ Organization (SVO) at Samahan ng mga Tagapagpalaganap ng Edukasyon sa Pagpapahalaga (STEP)

Nagtrabaho sa mga sumusunod:

Remedios AIDS Foundation : Volunteer Hotline Counselor

St. Mary of the Woods School : Grade School Filipino Teacher

Asian Council for Peoples Culture : Training and Monitoring Assistant

STI Academy : Filipino Curiculum Developer (project based)

DMCI Homes : Manager, Broker Department

Hindi ko natapos ang Masteral Study sa UP Diliman – Community Development. Sa kasalukuyan ay wala akong planong tapusin ito. Sadyang kulang sa oras at di magkasundo ang schedule. Gayunman natapos ko naman ang Diploma Course na Real Estate Management ng De La Salle – CREBA.

Buhay ko na ang pagsusulat. Ito marahil ang pinakaimportante sa lahat ng nabanggit ko.

Para sa akin, ang pagsusulat ay hindi laging komersiyo. Mas masarap yung naibabahagi rito ang mga pitak ng aking imahinasyon. Siyanga pala. Lahat ng nakasulat rito ay orihinal kong gawa. Gayunman, maaaring gamitin ninuman para sa edukasyon basta hindi pagkakakitaan.

Nais ko lang paalalahanan na ito ay bunga ng imahinasyon – hindi ito naggagarantiya na lahat ng ito ay katotohanan. Batay lang ito sa personal kong paniniwala at interpretasyon sa maraming bagay.

Ang ilan ay sinulat nang malikhain upang mas makapukaw ng atensyon. Ito ang dahilan ng ilang eksaherasyon.

Batay sa istatistika – mataas ang viewership (naks parang survey – dont worry galing ito sa wordpress at hindi sa AGB nielsen) ng mga paksang tungkol sa Pag-ibig. Bagamat hindi ito mga personal na datos – nakatutuwang isipin na may naniniwala at naaapektuhan sa mga sinulat ko. Susubukan ko ring sumulat pa nga mga kwentong pambata bagamat mahirap.

Para sa mas detalyado kong impormasyon :

maaaring basahin ang mga entry ko na naisulat ko na noon :

Blue jeans

My African Dream

Mga ilang tambayan ko rin :

 

Multiply

Wayn

Facebook

Myspace

youtube

basahin ang iba pang blog :

blue room

views